İmişlidə ötən illə müqayisədə əhalinin sayında artım olub

İmişli rayonunda ötən illə müqayisədə əhalinin sayında artım olub.

"Report"un Muğan bürosunun məlumatına görə, 2024-cü ilin yanvar-iyun aylarında əhalinin sayı 132 min nəfərə çataraq 2023-cü ilin müvafiq dövrünə nisbətən 294 nəfər və yaxud 0,2 faiz artıb.

Əhalinin ümumi sayının 30,7 faizini və ya 40,5 min nəfərini şəhər, 69,3 faizini və ya 91,5 min nəfərini kənd sakinləri təşkil edir.

Cari ildə rayonda 663 doğum və 369 ölüm halı qeydə alınıb.