Füzuli sakini: Müəllimlik fəaliyyətimi doğma yurdumda davam etdirmək arzusundayam

“Çox gözəl hisslərlə qayıdıram. 32 yaşımda şəhəri tərk etmişəm. İndi bir müəllim kimi 63 yaşımda doğma yurduma qayıdıram”.

“Report” xəbər verir ki, bunu Füzuli sakini Rasim Həsənov deyib.

Daha öncə də Füzulidə müəllimlik fəaliyyəti ilə məşğul olduğunu xatırladan R. Həsənov təhsil sahəsindəki işini qayıtdıqdan sonra da davam etdirmək arzusunu dilə gətirib.

“Həyat yoldaşım, oğlum və anamla qayıdıram”, - o əlavə edib.

Xatırladaq ki, Prezident İlham Əliyevin tapşırığına uyğun olaraq, Füzuli şəhərinə növbəti köç karvanı yola salınıb.