Bakı. 3 mart. REPORT.AZ/ Azərbaycan Respublikasının Prezidenti yanında Əfv Məsələləri Komissiyasının növbəti iclası keçirilib.
Bu barədə "Report"a Komissiyanın üzvü Rəşad Məcid məlumat verib.
O bildirib ki, iclasda Komissiyaya daxil olan müraciətlərə baxılıb.
"İndiyə qədər keçirilən iki iclasda 200-dən çox müraciətə baxılıb və onların xeyli hissəsinə müsbət rəy verilib. Amma təbii ki, son qərarı cənab Prezident verəcək. Novruz bayramına qədər daha bir neçə iclasın keçiriləcəyi gözlənilir", - R.Məcid bildirib.
Qeyd edək ki, Əfv Məsələləri Komissiyasının yeni tərkibinin ilk iclası martın 1-də keçirilib.