Daxili işlər orqanlarına kadr dəyişikliyi olub

Bakı. 14 yanvar. REPORT.AZ/ Daxili işlər orqanlarında kadr dəyişikliyi olub. 

"Report"un məlumatına görə, daxili işlər naziri Ramil Usubovun müvafiq əmrinə əsasən, Nərimanov Rayon Polis İdarəsinin (RPİ) İstintaq Şöbəsinin rəisi polis polkovnik-leytenantı Fəxrəddin Şirəliyev və Cinayət Axtarış Şöbəsinin (CAŞ) rəisi polis polkovnik-leytenantı Elman Quliyev tutduğu vəzifədən azad ediliblər. 

Digər bir əmrə əsasən isə Masallı Rayon Polis Şöbəsinin (RPŞ) rəis müavini, polis mayoru Haqverdi Zeynalov Nərimanov RPİ-nin CAŞ-ın rəisi təyin olunub.

Qeyd edək ki, bir müddət əvvəl Masallı RPŞ-nin rəisi, polkovnik Nəriman İmanov Nərimanov RPİ-nın rəisi təyin edilib.