BTQ: Kolonizasiyadan əziyyət çəkən ərazilərin və xalqların sayının azalacağına ümid edirik

Bakı Təşəbbüs Qrupu dekolonizasiya sahəsində Reunionla əməkdaşlığa başlayacaq.

Bunu Bakı Təşəbbüs Qrupunun icraçı direktoru Abbas Abbasov təşkilatın 14 dekabr dekolonizasiya gününə həsr edilmiş 2024-cü il üzrə hesabatının təqdimatında "Report"un əməkdaşının sualını cavablandırarkən deyib.

O qeyd edib ki, dekolonizasiya sahəsində fəaliyyətin əhatə dairəsinin genişlənməsi həm yaxşı, həm də pisdir:

"BTQ-nin fəaliyyətə başlamasından keçən 1 il 4 ay ərzində əməkdaşlıq etdiyimiz ərazilərin sayı 18-ə çatıb. Bu il Qəmər Adaları da əhatə dairəsinə qoşulub. Ümid edirik, kolonizasiyadan əziyyət çəkən ərazilərin və xalqların sayı azalacaq".