Azərbaycanın Aşqabaddakı səfirliyində vətəndaş müraciətləri üzrə qəbul keçirilib

Azərbaycanın Türkmənistandakı səfirliyində yaradılan işçi qrup tərəfindən Azərbaycan vətəndaşlarının pasport, eləcə də digər konsulluq müraciətləri üzrə qəbul keçirilib.

Bu barədə “Report”a Azərbaycanın Türkmənistandakı səfirliyindən məlumat verilib.

Bildirilib ki, işçi qrupu tərəfindən siyahı üzrə 43 nəfər qəbul edilib. Onlardan 39 nəfərinin pasport rəsmiləşdirilməsi üzrə müraciətləri müsbət cavablandırılıb, iki nəfərin vətəndaşlıq mənsubiyyəti üzrə sorğuları müvafiq icraata yönləndirilib.

Eyni zamanda, iki nəfərin müraciəti ilə bağlı müvafiq maarifləndirmə işi aparılıb.