71 saylı DSK-nın sədri: Dairə üzrə səsvermənin gedişini 777 müşahidəçi izləyir  

71 saylı dairə üzrə səsvermənin gedişini 777 müşahidəçi izləyir.

Bunu “Report”un Muğan bürosuna açıqlamasında 71 saylı Cəlilabad şəhər dairə seçki komissiyasının (DSK) sədri İsa Allahverdiyev deyib.

Onun sözlərinə görə, səsvermə prosesində seçici aktivliyi müşahidə olunur:

“Saat 12:00-a qədər dairə üzrə seçicilərin 25,3 faizi artıq səsvermə hüququndan istifadə edib. Dairə üzrə səsvermənin gedişini 777 müşahidəçi izləyir”.

Qeyd edək ki, 71 saylı Cəlilabad şəhər seçki dairəsi üzrə 54 seçki məntəqəsi fəaliyyət göstərir. Bu dairə üzrə 51 min 442 seçici qeydə alınıb. Onlardan 345 nəfəri ilk dəfə səs verəcək. Dairə üzrə 14 məntəqədə veb-kamera quraşdırılıb.