Separatçıların başçısı cəmiyyət arasına çıxmır

Azərbaycanın işğal altında olan Qarabağ bölgəsindəki sepratçıların başçısı Araik Arutyunyan aldığı ağır yaradan sonra ictimaiyyət arasında görünmür.

“Report” “news.am”a istinadən xəbər verir ki, onun bu yaxınlarda “Facebook” səhifəsindən erməni icması ilə "əlaqə saxlayacağı" bildirilib.

İddia olunub ki, guya Araik “döyüş bölgəsindədir”. Ancaq onun cəmiyyət arasında görünməməsi, hətta sosial şəbəkə vasitəsi ilə əlaqə saxlaya bilməməsi vəziyyətinin ağır olduğunu təsdiqləyir. “Facebook” səhifəsindən isə onun adından başqa birinin paylaşım edə biləcəyi mümkündür.

Qeyd edək ki, Azərbaycan ordusunun açdığı atəş nəticəsində Araik Arutyunyan gizləndiyi bunkerdə ağır yaralanıb.