Jerom Lamber: "Fransanın Dağlıq Qarabağ məsələsində mövqeyi dəyişməyib"

"Fransa sülhü istəyən ölkənin yanındadır".

"Report"un Qərb Mərkəzinin məlumatına görə, bunu Fransa Milli Assambleyasında (parlament) Fransa-Azərbaycan dostluq qrupunun vitse-prezidenti Jerom Lamber Gəncədə jurnalistlərə açıqlamasında bildirib.

Onun sözlərinə görə, Fransanın Dağlıq Qarabağ məsələsində mövqeyi heç vaxt dəyişməyib və həmişə beynəlxalq hüququn tərəfində olub: "Fransa hələ 90-cı illərdə Ermənistanın Azərbaycana qarşı aqressiyasını qınayıb və münaqişənin sülh yolu ilə həllinin tərəfdarı olub".