COP28-in prezidenti: BƏƏ-də əldə olunan konsensusla 1,5°C hədəfinə çatmaq üçün yol xəritəsi müəyyənləşdirilib

BƏƏ-də əldə olunan konsensus ilə temperatur artımını 1,5°C-yə qədər məhdudlaşdırmaq üçün aydın yol xəritəsini müəyyən edilib.

“Report” xəbər verir ki, bunu COP28-in prezidenti Sultan Əl-Cabir “COP28-dən sonra: birləşmək, hərəkət etmək və BƏƏ-də əldə olunmuş konsensusu həyata keçirmək vaxtıdır” adlı yüksək səviyyəli dəyirmi masada deyib.

“BƏƏ əldə olunan konsensusla qalıq yanacaqlardan ədalətli, nizamlı və məsuliyyətli keçidlə bağlı ilk razılaşma daxil olmaqla, iqlim gündəmində bir sıra ilklərə imza atılıb. Bununla 2030-cu ilə qədər bərpa olunan enerji potensialını üç dəfə artırmaq və eyni dövrdə meşələrin kəsilməsinə son qoymaq öhdəliyini yerinə yetirmək hədəflənir”, - o vurğulayıb.