Valeh Ələsgərov: "İxrac yönümlü məhsul istehsal edən investor gözləyirik"

“Ələtdəki Azad İqtisadi Zonanın əsas məqsədi xarici sərmayələr cəlb etməkdir”.

"Report" xəbər verir ki, bunu Zonanın səlahiyyətli qurumunun İdarə Heyətinin sədri Valeh Ələsgərov deyib.

“Bu, həm də yeni təcrübələrin və yeni biliklərin cəlb edilməsi deməkdir. Azad İqtisadi Zonada çalışan investorlarla Azərbaycan iqtisadiyyatının subyektləri arasında münasibətlərin qurulması ölkə iqtisadiyyatına töhfə verməkdir. Biz bu zonada yüksək əlavə dəyərli, ixrac yönümlü məhsul istehsal edən investorları gözləyirik. Onlar üçün biz əlverişli şərait, o cümlədən normativ-hüquqi baza yaratmışıq. “Ələt Azad İqtisadi Zonası haqqında” qanun investorlar üçün əlverişli şərait yaradır”, - o bildirib.