Steffi Stallmeister: "Yaşıl keçid" Azərbaycan üçün böyük imkanlar yaradır"

Azərbaycan "yaşıl iqtisadiyyata" uğurlu keçid üçün əhəmiyyətli potensiala malikdir.

"Report" xəbər verir ki, bunu Dünya Bankının Azərbaycan üzrə meneceri Steffi Stallmeister "Bakı İqlim Fəaliyyəti Həftəsi"nin 3-cü günündə çıxışı zamanı bildirib.

S.Stahlmeister təhsil və səhiyyə sistemində yeni çağırışların əhəmiyyətini vurğulayıb.

"Bu gün insan sağlamlığı əsas məsələlərdən biridir, çünki qeyri-yoluxucu xəstəliklərdən ölüm sayının artması müşahidə olunur, o cümlədən Azərbaycanda. Gender bərabərliyinə də diqqət yetirmək vacibdir. Ölkənin istehsalat sahəsində kişilər qadınlara nisbətən üstünlük təşkil edir ki, bu da davamlı inkişafa uğurlu keçid üçün düzəliş tələb edir", - deyə o qeyd edib.

Dünya Bankı həmçinin Azərbaycanın Əmək və Əhalinin Sosial Müdafiəsi Nazirliyinin yeni iş yerlərinin, o cümlədən "yaşıl iş yerləri"nin yaradılmasına yönəlmiş proqramını dəstəkləyir. Bu yanaşma insan kapitalının inkişafına kömək edəcək və ekoloji cəhətdən davamlı iqtisadiyyata keçidi sürətləndirəcək.