“PAŞA Holdinq” rəsmisi: “Pandemiya ilə biz 4 böyük trend müşahidə edirik”

“Koronavirus (COVID-19) pandemiyası ilə biz 4 böyük trend müşahidə edirik”.

“Report” xəbər verir ki, bunu “PAŞA Holdinq” MMC-nin Baş icraçı direktoru Cəlal Qasımov deyib.

“Bunlardan biri məsafədən və yaxud evdən işləməkdir. Hansı ki, pandemiyadan qabaq bir çox şirkətlər bunu təcrübədən keçirirdilər, amma ötən il bunu etməyə məcbur olduq və onun effektini görməyə başladıq. İkinci trend sürtləndirilmiş rəqəmsallaşdırmadır. Rəqəmsallaşma neçə illərdir ki, maraqlı və diqqət çəkən məsələlərdən biridir, amma pandemiya dövründə sürətlənməyə başladı. Üçüncü trend psixoloji amildir, alıcılıq və yaşayış təcrübələrinə təsir edir. Dördüncü trend isə maraq amilidir. Artıq trend olaraq nədənsə danışmaq olar”, - deyə o qeyd edib.