Bakıda ötən ay fərdi yaşayış və bağ evləri ucuzlaşıb

Bu ilin sentyabr ayında Bakıda fərdi yaşayış və bağ evlərinin qiyməti avqust ayına nisbətən 4,96 % azalıb. Ötən ilin müvafiq dövrü ilə müqayisədə isə qiymətlərdə 43,73 % bahalaşma olub.

Bu sözləri “Report”a açıqlamasında “Azərbaycan Qiymətləndiricilər Cəmiyyəti” İctimai Birliyinin sədri, MBA konsaltinq və qiymətləndirmə şirkətinin baş direktoru Nüsrət İbrahimov deyib.

Fərdi yaşayış və bağ evlərinin təklif sayı sentyabr ayında 12,1 % artıb, il ərzində isə 47,42 % azalıb.

Fərdi yaşayış və bağ evlərinin kirayə qiymətləri ay ərzində 9,57 %, ötən ilin eyni dövrü ilə müqayisədə isə 5,95 % azalıb. Bazarda təklif sayında isə ay ərzində 56,82 %, il ərzində isə 46,81 % artım olub.