Natiq Həsənov: "111 Türkiyə şirkəti Qarabağa investisiya yatırmaq üçün müraciət edib"

İqtisadiyyat Nazirliyinin tabeliyindəki Kiçik və Orta Biznesin İnkişafı Agentliyinin (KOBİA) İdarə Heyəti sədrinin birinci müavini Natiq Həsənov hazırda 111 Türkiyə şirkətinin Qarabağa investisiya yatırmaq üçün müraciət etdiyini açıqlayıb.

"Report" xəbər verir ki, bu barədə N. Həsənov bu gün Bakıda keçirilən "Heydər Əliyev 100 - Bir millət, iki dövlətin iş dünyası" mövzusundakı konfransda məlumat verib.

"İndiyədək Azərbaycan Türkiyə iqtisadiyyatına 20 milyard ABŞ dollarına qədər investisiya yatırıb. O cümlədən Azərbaycanın qeyri-neft sektoruna ən çox investisiya yatıran da Türkiyə şirkətləridir. Qarşıdakı hədəflər daha böyük nəticələr əldə etməyə səbəb olacaq", - deyə N. Həsənov qeyd edib.