"Moody’s" Bakıda növbəti illik konfransını keçirir

Bakı. 24 may. REPORT.AZ/ Bu gün "Moody’s" beynəlxalq reytinq agentliyi Bakıda növbəti illik konfransını keçirir. 

"Report" xəbər verir ki, tədbirdə Azərbaycandan olan maliyyə institutlarının nümayəndələri iştirak edir. 

Tədbirdə çıxış edən "Moody's"in vitse-prezidentinin köməkçisi Kristian Vanq (Christian Vang) son illər Azərbaycan da daxil olmaqla MDB ölkələrində baş verən iqtisadi proseslərdən, dünya bazarında neftin ucuzlaşmasının iqtisadiyyata təsirindən danışıb. Onun fikrincə, regionda iqtisadiyyatın şaxələndirilməsi davam etdirilməli və bank sektorunun likvidliyi artırılmalıdır.