Mask süni intellekt startapına nəzarət edən təşkilatı 100 milyard dollara almaq istəyir

Amerikalı milyarder İlon Mask və bir qrup investor “OpenAI” süni intellekt startapına nəzarət edən qeyri-kommersiya təşkilatının təxminən 100 milyard dollara alınması təklifini irəli sürüblər.

“Report” "İnterfaks"a istinadən xəbər verir ki, bu barədə “Financial Times” yazıb.

İş adamının vəkili Mark Toberoff təklifin dünən göndərildiyini bildirib.

“OpenAI”nin rəhbəri Sem Altman "X" sosial şəbəkəsində bu təklifə belə cavab verib: "Xeyr, təşəkkür edirəm, amma istəsəniz, biz “Twitter”i 9,74 milyard dollara alarıq".

Qeyd edək ki, İ.Mask “Twitter”i 2022-ci ildə 44 milyard dollara almışdı.