Bu il Naxçıvanda pərakəndə ticarət dövriyyəsi 1 % artıb

Bu ilin yanvar-may aylarında Naxçıvan Muxtar Respublikasında pərakəndə ticarət dövriyyəsi 504 milyon 863 min 200 manat təşkil edib.

Bu barədə Naxçıvan Dövlət Statistika Komitəsindən “Report"un yerli bürosuna məlumat verilib.

Bildirilib ki, bu, 2023-cü ilin müvafiq dövrü ilə müqayisədə 1 % çoxdur.

Bu ilin yanvar-may aylarında muxtar respublikada əhaliyə göstərilən ödənişli xidmətlərin dəyəri 76 milyon 252 min 100 manat olub. Bu da 2023-cü ilin müvafiq dövrü ilə müqayisədə 1,6 % çoxdur.