“Bir Pəncərə” İxraca Dəstək Mərkəzi vasitəsilə qeyri-neft ixracı 29 %-ə yaxın azalıb

Bu ilin sentyabr ayında “Bir Pəncərə” İxraca Dəstək Mərkəzi vasitəsilə həyata keçirilmiş qeyri-neft ixracının dəyəri 22,5 milyon ABŞ dolları təşkil edib.

“Report” xəbər verir ki, bu barədə İqtisadi İslahatların Təhlili və Kommunikasiya Mərkəzinin (İİTKM) hazırladığı “İxrac icmalı”nın oktyabr buraxılışında qeyd olunub.

Bu, 2023-cü ilin eyni dövrü ilə müqayisədə 9,1 milyon ABŞ dolları və ya 28,8 % azdır.

Sentyabrda “Bir Pəncərə” İxraca Dəstək Mərkəzi vasitəsilə həyata keçirilmiş qeyri-neft ixracının dəyəri avqust ayı ilə müqayisədə 12,7 milyon ABŞ dolları və ya təxminən 36 % azdır.