Bakıda ictimai iaşə dövriyyəsi 14 %-ə yaxın artıb

2024-cü ildə Bakıda ictimai iaşə dövriyyəsinin dəyəri 1 milyard 696 milyon manat olub ki, bu da 2023-cü ilə müqayisədə 13,8 % çoxdur.

Bu barədə “Report”a Bakı şəhər Statistika İdarəsindən məlumat verilib.

Məlumata görə, təkcə hüquqi şəxslər üzrə ictimai iaşə dövriyyəsi 938,9 milyon manat təşkil edib ki, bu, ümumi dövriyyənin 55,4 %-ni təşkil edib.

2024-cü ildə Azərbaycanda ictimai iaşə dövriyyəsi 2023-cü illə müqayisədə real ifadədə 13,2 % artaraq 2 milyard 374,3 milyon manat olub.