Azərbaycanın İsraillə ticarət dövriyyəsi 26 % azalıb

Bu ilin yanvar-may aylarında Azərbaycanla İsrail arasında ticarət dövriyyəsi 644 milyon 250 min ABŞ dolları olub.

Bu barədə "Report"a Dövlət Gömrük Komitəsindən bildirilib.

Məlumata görə, bu, ötən ilin müvafiq dövrünün göstəricisi ilə müqayisədə 26 % azalma deməkdir.

Hesabat dövründə Azərbaycanın İsraillə ticarət dövriyyəsi ölkənin ümumi ticarət dövriyyəsinin 2,81 %-ni təşkil edib.

Beş ayda Azərbaycandan İsrailə 635 milyon 183 min, İsraildən Azərbaycana isə 9 milyon 66 min ABŞ dolları dəyərində məhsul ixrac olunub. Bu isə illik müqayisədə müvafiq olaraq 26 % və 30,5 % azdır.