Azərbaycan yağ idxalını 11 % azaldıb

Bu ilin yanvar-noyabr aylarında Azərbaycan 14 min 916 ton kərə yağı və süddən hazırlanmış digər yağlar idxal edib.

“Report” Dövlət Gömrük Komitəsinə istinadən xəbər verir ki, bu həcmdə yağın dəyəri 83 milyon 505 min ABŞ dolları olub.

Bunlar, ötən ilin eyni dövrü ilə müqayisədə həcm baxımından 1 min 839 ton (10,9 %), dəyər baxımından isə 13 milyon 260 min ABŞ dolları (13,7 %) azdır.

11 ay ərzində kərə yağı və süddən hazırlanmış digər yağlara çəkilən xərc Azərbaycanın ümumi idxal xərclərinin 0,5 %-ni təşkil edib.