Azərbaycan Türkiyədən tütün məhsulları idxalına çəkdiyi xərci 53 % azaldıb

Bu ilin yanvar-oktyabr aylarında Azərbaycan Türkiyədən 18,781 milyon ABŞ dolları dəyərində tütün məhsulları idxal edib.

“Report” Türkiyə İxracatçılar Məclisinə istinadən xəbər verir ki, bu, ötən ilin eyni dövrü ilə müqayisədə 53 % azdır.

Təkcə oktyabrda isə Türkiyə Azərbaycana 640 min ABŞ dolları dəyərində tütün məhsulları ixrac edib ki, bu da 1 il əvvələ nisbətən 89,2 % azdır.

Hesabat dövründə Türkiyənin tütün məhsulları ixracının ümumi dəyəri illik müqayisədə 3,1 % artaraq 811 milyon ABŞ dollarına, oktyabrda isə 21 % artaraq 91 milyon ABŞ dollarına çatıb.