Azərbaycan Özbəkistan kondisionerlərinin ən böyük alıcısıdır

Bu ilin yanvar-may aylarında Azərbaycan Özbəkistan istehsalı olan kondisionerlərin ən böyük alıcısı olub.

"Report" xəbər verir ki, bu barədə Özbəkistanın Milli Statistika Komitəsi məlumat yayıb.

Məlumata görə, hesabat dövründə Özbəkistan 8 xarici ölkəyə 4,6 milyon ABŞ dolları dəyərində 22 443 kondisioner (+5,1 %) ixrac edib.

Azərbaycana 7 367 ədəd və yaxud Özbəkistandan ümumi kondisioner ixracının 32,8 %-i tədarük edilib.

Bu məhsulun alıcıları siyahısında ikinci yeri Tacikistan (4 775 ədəd), üçüncü yeri isə Türkiyə (4 640 ədəd) tutub.