Azərbaycan nümayəndə heyətinin Bosniya və Hersoqovinaya səfəri başlayır

Azərbaycanın iqtisadiyyat naziri Mikayıl Cabbarovun başçılıq etdiyi nümayəndə heyəti Bosniya və Hersoqovinaya səfəri başlayır.

Bu barədə “Report” Bosniya və Hersoqovina mətbuatına istinadən xəbər verir.

Bildirilib ki, bu gün paytaxt Sarayevoda M.Cabbarovun bu ölkənin Baş naziri Fadil Novaliç ilə görüşü nəzərdə tutulub.

Nümayəndə heyətinin tərkibində Azərbaycan Dövlət Neft Şirkətinin (SOCAR) vitse-prezidenti Elşad Nəsirov da təmsil olunub.

Hökumətin iqamətgahında keçiriləcək qəbulda Azərbaycanın Bosniya və Hersoqovinadakı səfiri Vilayət Quliyev də iştirak edəcək.