Azərbaycan buğda idxalını cüzi azaldıb

Bu ilin yanvar-oktyabr aylarında Azərbaycan 949 min 278 ton buğda idxal edib.

“Report” Dövlət Gömrük Komitəsinə istinadən xəbər verir ki, bu həcmdə buğdanın idxal dəyəri 247 milyon 343 min ABŞ dolları təşkil edib.

Bu, ötən ilin eyni dövrü ilə müqayisədə həcm baxımından 6 min 996 ton (0,7 %), dəyər ifadəsində isə 82 milyon 666 min ABŞ dollar (25%) azalıb.

Belə ki, 2022-ci ilin ilk 10 ayı ərzində Azərbaycana 330 milyon 10 min dollar dəyərində 956 274 ton buğda idxal edilib.

Qeyd edək ki, hesabat dövründə buğda idxalına çəkilən xərc Azərbaycanın ümumi idxal xərclərinin 1,7 %-ini təşkil edib.