Azərbaycan 11 ayda Cənub-Şərqi Anadoludan 68 milyon dollarlıq mal idxal edib

Bu ilin yanvar-noyabr aylarında Azərbaycan (Naxçıvan Muxtar Respublikası) Türkiyənin Cənub-Şərqi Anadolu bölgəsindən 68,047 milyon ABŞ dolları dəyərində mal idxal edib.

“Report” bu barədə Cənub-Şərqi Anadolu Taxıl, Paxlalılar, Yağlı Toxumlar və Emal Məhsulları İxracatçıları Birliyinə istinadən xəbər verir.

Məlumata görə, bu, ötən ilin eyni dövrünə nisbətən 2 % azdır.

Hesabat dövründə bölgədən ümumilikdə 10 milyard 677,139 milyon dollarlıq məhsul ixrac edilib ki, bu da illik müqayisədə 5 % azdır.

11 ayda Cənub-Şərqi Anadolu bölgəsindən ən böyük ixrac Yaxın Şərq ölkələrinə (4 milyard 464 milyon ABŞ dolları; 7 % az) həyata keçirilib. Onu Avropa İttifaqı ölkələri (1 milyard 698,2 milyon ABŞ dolları; 7 % az) və Afrika qitəsi ölkələri (1 milyard 485,1 milyon ABŞ dolları; 7 % az) izləyib.