​Prezident "Bakı-2015"də qalib gələn Radik İsayevə qızıl medalı təqdim edib

Bakı. 19 İyun. REPORT.AZ/ Bu gün "Bakı-2015" I Avropa Oyunları çərçivəsində keçirilən taekvondo yarışlarına yekun vurulub.

"Report" xəbər verir ki, turnirin son günü Azərbaycan təmsilçisi Radik İsayev (+80 kq) tatami üzərinə çıxaraq rusiyalı rəqibi Vladislav Larini məğlub edib və fəxri kürsünün ən yüksək pilləsinə yüksəlib.

Sonra mükafatlandırma mərasimi olub.

Prezident İlham Əliyev qalib idmançılara medalları təqdim edib.

Qalib idmançının şərəfinə Azərbaycan Respublikasının dövlət himni səsləndirilib, dövlət bayrağı ucaldılıb.