Patrik Hikki: "II Avropa Oyunlarının Qərbi Avropada keçirilməsini istərdim"

Bakı. 25 iyun. REPORT.AZ/ "II Avropa Oyunlarını keçirməyə 4 şəhər namizəddir". Report"un məlumatına görə, bunu "Associated Press"ə açıqlamasında Avropa Olimpiya Komitəsinin (EOC) prezidenti Patrik Hikki deyib. 

P.Hikki bildirib ki, növbəti Oyunların Qərbi Avropada təşkilini istərdi: "EOC olaraq, siyasətimiz Oyunların coğrafi cəhətdən yayılmasını nəzərdə tutur". 

Bununla belə, EOC prezidenti deyib ki, II Avropa Oyunlarını Avropanın qərbində keçirmək alınmasa, Oyunları ən yaxşı saydıqları məkanda təşkil edəcəklər.