Yuxarı

​"Bakı 2015"in könüllüləri "Alov Qoruyanlar" adlandırılacaqlar

“Alov Qoruyanlar” Oyunlar ərzində əsas vəzifələri yerinə yetirəcəklər

Bakı. 15 yanvar. REPORT.AZ/ "Bakı 2015" I Avropa Oyunlarının könüllüləri "Alov Qoruyanlar" ("Flamekeepers") kimi tanınacaqlar. "Report"un məlumatına görə, bu barədə Oyunların Əməliyyat Komitəsindən açıqlama verilib. 

“Alov Qoruyanlar” Oyunlar ərzində əsas vəzifələri yerinə yetirəcək, o cümlədən, idmançılar və rəsmi şəxslərə kömək edəcək, idman yarışlarında işləyəcək, tamaşaçılara və ya media nümayəndələrinə dəstək göstərəcəklər.

Qeyd edək ki, “Alov Qoruyanlar” Avropanın birinci multi-idman yarışlarına verəcəkləri töhfənin əvəzində yarış obyektlərinə pulsuz nəqliyyat xidməti, uniforma, qida və "Bakı 2015" könüllü proqramının Rəsmi Tərəfdaşının SIM kartından yararlanacaqlar. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi