Yuxarı
    Bağlamaq

    Azərbaycan MOK Kosovo idmançılarının Bakı-2015-də iştirakı məsələsinə münasibət bildirib

    Çingiz Hüseynzadə: Bu, Beynəlxalq Olimpiya Komitəsinin qərarından asılıdır

    Bakı. 11 noyabr. REPORT.AZ/ Kosovo idmançılarının Bakı-2015 I Avropa Oyunlarında iştirakı bu ölkənin Beynəlxalq Olimpiya Komitəsinin (İOC) tamhüquqlu üzvlüyünə qəbulu məsələsindən asılı olacaq. Bunu "Report"a açıqlamasında Azərbaycan Milli Olimpiya Komitəsinin (MOK) vitse-prezidenti Çingiz Hüseynzadə deyib. 

    O bildirib ki, 8-9 dekabrda Rusiyanın paytaxtı Moskvada İOC-un Sessiyası keçiriləcək. Həmin toplantıda Kosovo Milli Olimpiya Komitəsinin də məsələsinə baxılacaq: "Kosovo tamhüquqlu üzv kimi olimpiya ailəsinə qəbul edilsə, idmançıları Bakıda keçiriləcək Avropa Oyunlarında da mübarizə aparacaqlar".

    Ç.Hüseynzadə "Noyabrın 20-də Bakıda işə başlayacaq Avropa Olimpiya Komitəsinin Baş Assambleyasına Kosovo nümayəndələri gələcəkmi?" sualını isə belə cavablandırıb: "Hazırda bununla bağlı danışıqlar gedir. Hələ məsələ həllini tapmayıb". 

    Qeyd edək ki, Azərbaycan Kosovonun müstəqilliyini tanımayıb.  

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi