Yevlax Pilot Aqroparkda intensiv meyvə bağları salınacaq

Yevlax Pilot Aqroparkda fərdi sahibkar Məhərrəm Əsgərova və "Balxurma" MMC-yə rezident statusu verilib.

"Report" xəbər verir ki, bunu iqtisadiyyat naziri Mikayıl Cabbarov özünün tviter hesabında bildirib.

Onun sözlərinə görə, rezidentlər 61,1 hektar sahədə investisiya dəyəri 640 min manat olan intensiv meyvə bağları salacaq, 13 nəfər daimi, 112 nəfər isə mövsümi işlə təmin edəcək.

Yevlax Pilot Aqropark İqtisadiyyat Nazirliyi yanında İqtisadi Zonaların İnkişafı Agentliyinin idarəçiliyindədir.