Məcnun Məmmədov: "Şərabçılıq kənd təsərrüfatının diversifikasiyası üçün vacibdir"

Azərbaycanda kiçik şərabçılıq subyektlərinin dəstəklənməsi ölkənin şərabçılıq sektorunun dayanıqlı inkişafında və kənd təsərrüfatının diversifikasiyasında mühüm əhəmiyyət daşıyır.

"Report" xəbər verir ki, bunu kənd təsərrüfatı naziri Məcnun Məmmədov "X" sosial şəbəkəsində hesabında bildirib.

Nazir qeyd edib ki, Şamaxıda yerləşən kiçik şərab istehsalçılarını ziyarət edib: "Ənənəvi üsullarla hazırlanan yerli şərablar ölkəmizin mədəni irsinin, zəhmətin və ustalığın təcəssümüdür. Ənənəvi biliklərin müasir texnologiyalarla sintezi yerli məhsul keyfiyyətinin artırılmasını, ixrac potensialının genişləndirilməsini və aqroturizm imkanlarının möhkəmləndirilməsini və regionların sosial-iqtisadi inkişafını təmin edir".