Azərbaycanın tomat ixracından qazancı 23 % azalıb

Bu ilin yanvar-sentyabr aylarında Azərbaycan 128,2 milyon ABŞ dolları dəyərində tomat (pomidor) ixrac edib.

“Report” xəbər verir ki, bu barədə İqtisadi islahatların Təhlili və Kommunikasiya Mərkəzinin (İİTKM) “İxrac icmalı”nın oktyabr sayında bildirilir.

Sənədə əsasən, bu, ötən ilin eyni dövrünə nisbətən 23,2 % azdır.

Dövlət Gömrük Komitəsinin məlumatına əsasən, bu ilin yanvar-sentyabr aylarında Azərbaycan 128,2 milyon ABŞ dolları dəyərində 119,1 min ton tomat ixrac edib. Bu da, illik müqayisədə həm dəyəri, həm də həcmi 23,2 % azalıb. Bu ilin 9 ayında tomat ixracı Azərbaycanın ümumi ixracının 0,88 %-ni təşkil edib.