Azərbaycanın aqrar sektorunda bu il 4 milyard kubmetr su istifadə ediləcək

Azərbaycanda rayonlar üzrə bitkilərin orta suvarma normasına uyğun olaraq, 2022-ci ilin payızlıq əkinləri, mövcud çoxillik əkmələr və proqnozlaşdirılan yazlıq əkinlər üçün 2023-cü təsərrüfat ilində 51 rayon üzrə 1,3 milyon hektar sahədə becəriləcək kənd təsərrüfatı bitkilərinin suvarılması üçün təxminən 4 milyard kubmetr suya tələbat olacaq.

"Report" xəbər verir ki, bunu kənd təsərrüfatı nazirinin müavini Sarvan Cəfərov "Ölkədə su qıtlığının səbəbləri və mövcud vəziyyət" mövzusunda mətbuat konfransında bildirib.

"O cümlədən, 227 min hektar sahədə taxıl əkinləri üçün 655 milyon kubmetr, 62 min hektar sahədə pambıq əkinləri üçün 206 milyon kubmetr su tələbatı nəzərdə tutulur", - deyə o qeyd edib.