Azərbaycan süd idxalını cüzi artırıb

Bakı. 25 fevral. REPORT.AZ/ Bu ilin yanvar ayı ərzində Azərbaycan 848,25 min ABŞ dolları dəyərində 673,9 ton süd idxal edib.

“Report”un Dövlət Gömrük Komitəsinə istinadən verdiyi məlumata görə, bu, həcm baxımından 2018-ci ilin yanvar ayının göstəriciləri ilə müqayisədə 0,8 ton (0,1%) çox, məbləğ baxımından isə 118,2 min dollar (12,2%) azdır.

Ay ərzində süd idxalı Azərbaycanın ümumi idxalının 0,1%-ni təşkil edib.