Azərbaycan ət idxalını 4 % artırıb

Bu ilin yanvar-mart aylarında Azərbaycan xaricdən 9 min 162 ton ət idxal edib.

“Report” Dövlət Gömrük Komitəsinə istinadən xəbər verir ki, bu həcmdə ətin dəyəri 15 milyon 674 min ABŞ dolları təşkil edib.

Bu, ötən ilin müvafiq dövrü ilə müqayisədə həcm ifadəsində 367 ton (4,1 %), dəyər ifadəsində isə 727 min ABŞ dolları (4,8 %) çoxdur.

Hesabat dövründə ət idxalının Azərbaycanın ümumi idxalında payı 0,54 % təşkil edib.

Qeyd edək ki, 2022-ci ilin yanvar-mart aylarında Azərbaycanda quş əti də daxil olmaqla diri çəkidə 134,3 min ton ət istehsal edilib, bu da 2021-ci ilin müvafiq dövrü ilə müqayisədə 3 % çoxdur.