Azərbaycan Çindən gavalı və göyəm idxalını bərpa edib

Bu ilin yanvar-aprel aylarında Azərbaycan 46 min ABŞ dolları dəyərində 6,28 ton gavalı və göyəm idxal edib.

“Report”un Dövlət Statistika Komitəsinin məlumatları əsasında apardığı hesablamalarına əsasən, bu, 2023-cü ilin eyni dövrünün göstəricisindən dəyər ifadəsində 31 %, kəmiyyət olaraq – 38 % çoxdur.

Hesabat dövründə Azərbaycan Cənubi Afrika Respublikasından 38,17 min ABŞ dolları dəyərində (bir il əvvəlki göstəricidən 17 % çoxdur) 4,77 ton (+16 %), Türkiyədən 7,44 min ABŞ dolları dəyərində 1,49 ton (bir il əvvəl tədarük olmayıb), İrandan 0,10 min ABŞ dolları dəyərində (-96 %) 0,02 ton (-96 %) və Çindən 0,06 min ABŞ dolları dəyərində 0,01 ton məhsul alıb.

Azərbaycan 2 il 8 aylıq fasilənin ardından Çindən tədarükü bərpa edib.