Monteneqroda keçiriləcək cüdo üzrə Avropa çempionatında qarışıq komanda yarışlarının püşkatması təkrarlanacaq.
"Report" xəbər verir ki, bu barədə Avropa Cüdo Birliyi (EJU) məlumat yayıb.
Buna yarış təlimatlarının pozularaq 8 komanda əvəzinə yalnız 4 komandanın səbətlərə səpələnməsi səbəb olub.
Yeni püşkatma sabah final blokundan öncə fasilə zamanı baş tutacaq.
Qeyd edək ki, öncəki püşkatmanın nəticəsinə əsasən Azərbaycan yığması qarışıq komanda yarışında İtaliyaya rəqib olmuşdu.
