XİN başçısının müavini: "Gürcüstanla Azərbaycan arasında möhkəm münasibətlər davam edir"

"Heydər Əliyev Gürcüstanın böyük dostu idi".

“Report”un yerli bürosu xəbər verir ki, bunu Gürcüstanın xarici işlər nazirinin müavini Vladimir Konstantinidi Tbilisidə Heydər Əliyevə həsr olunan fotorərginin açılış mərasimində çıxışı zamanı deyib.

O vurğulayıb ki, Heydər Əliyev müasir Azərbaycan dövlətinin banisi kimi tarixə düşüb: "Məhz onun hakimiyyəti dövründə Azərbaycanla Gürcüstan arasında möhkəm münasibətlər quruldu və bu sıx əlaqələr bu gün də davam edir".

Sərgidə iştirakdan şərəf duyduğunu qeyd edən XİN rəsmisi çıxışının sonunda Azərbaycan xalqına sülh və əmin-amanlıq arzulayıb.