XİN başçısı Azərbaycanın Britaniyadakı səfirliyinə hücumu pisləyən ölkələrə təşəkkür edib

“Avqustun 4-də Azərbaycanın Londondakı səfirliyinə radikal dini qruplaşma tərəfindən hücum olub. Onlar səfirlik ərazisinə daxil olarkən vandallıq aktları törədiblər, dövlət rəmzlərini dağıdıblar, orada olan əşyalara xələl gətiriblər. Dövlət olaraq biz bunu sərt şəkildə qınayırıq. Biz bunu tamamilə rədd edirik. Bu, tamamilə qəbuledilməzdir".

“Report” “Haber Global”a istinadən xəbər verir ki, bunu Azərbaycanın xarici işlər naziri Ceyhun Bayramov deyib.

“Başda qardaş Türkiyə olmaqla bir çox dövlətlər artıq buna öz etirazlarını bildiriblər. Bu hücuma göz yummayan və biganə qalmayan dost dövlətlərə təşəkkürümü bildirmək istərdim”, - nazir vurğulayıb.