XİN başçısının müavini: “Azərbaycanla Avropa İttifaqı arasında aviasiya sazişi gələn ilin əvvəlində imzalana bilər”

Bakı. 12 dekabr. REPORT.AZ/ “Azərbaycanla Avropa İttifaqı arasında aviasiya sazişi gələn ilin əvvəlində imzalana bilər”.

“Report”un xəbərinə görə, bunu jurnalistlərə açıqlamasında Azərbaycan xarici işlər nazirinin müavini Mahmud Məmmədquliyev deyib.

Onun sözlərinə görə, hazırda saziş layihəsi ilə bağlı bəzi məsələlər müzakirə edilir.

“Ola bilsin ki, yanvar, yaxud fevral ayında bu məsələlər həll olunsun”, - XİN başçısının müavini əlavə edib.

O deyib ki, bununla bağlı Avropa İttifaqının nümayəndələri Bakıya səfərə gələcək.