Xankəndi ECO sammitini qəbul etməyə hazırdır - VİDEO - FOTOREPORTAJ

3-4 iyul tarixlərində Xankəndi bütün regionun diqqət mərkəzində olacaq - şəhər ilk dəfə İqtisadi Əməkdaşlıq Təşkilatı (ECO) liderlərinin sammitinə ev sahibliyi edəcək.

Bu tarixi hadisə son 30 ildə işğal və müharibələr yaşamış şəhərin taleyində köklü dönüş nöqtəsini təmsil edir.

Bu cür yüksək səviyyəli forumun keçirilməsi sadəcə diplomatik hadisə deyil, həm də Xankəndinin müharibədən sonrakı sürətli dirçəlişinin, sülh, inkişaf və strateji tərəfdaşlıq üçün yeni platforma kimi beynəlxalq arenaya çıxmasının simvolu olacaq.

Regionun 10 dövlətini birləşdirən İqtisadi Əməkdaşlıq Təşkilatı Xankəndini təsadüfən seçməyib. Bu seçim beynəlxalq ictimaiyyətin şəhərin bərpasındakı uğurlarını və onun regional mərkəz kimi artan əhəmiyyətini tanımasını vurğulayır.

"Report" Xankəndinin dinamik dəyişməsi və regional diplomatiyanın mərkəzinə çevrilməsi haqqında fotoreportaj təqdim edir.

Foto: Mircavid Eminoğlu