Vahe Gevorkyan: "Yaxın günlərdə Azərbaycan və Ermənistan XİN başçıları görüşə bilər"

"Yaxın günlərdə Ermənistanın xarici işlər naziri Ararat Mirzoyanla Azərbaycanın xarici işlər naziri Ceyhun Bayramov arasında görüş keçirilməsi mümkündür".

“Report” “Sputnik Armeniya”ya istinadən xəbər verir ki, bunu Ermənistan XİN başçısının müavini Vahe Gevorkyan deyib.

"Biz bu istiqamətdə səylərimizi davam etdirəcəyik. Düşünürəm ki, yaxın vaxtlarda yeni görüşlər baş tutacaq və danışıqlar prosesinin tam bərpası üçün şərait yaradılacaq", - deyə o əlavə edib.