Azərbaycanda parlament seçkilərində namizədlər bərabər hüquqlarla özlərinin təşviqat işlərini apara bildilər.
"Report" xəbər verir ki, bunu Azərbaycanda sentyabrın 1-də keçirilmiş növbədənkənar parlament seçkilərini izləyən TÜRKPA nümayəndə heyətinin üzvü, Türkiyə Böyük Millət Məclisinin (TBMM) deputatı Ahmet Zembilci deyib.
O bildirib ki, seçki kampaniyası dövründə deputatlığa namizədlərə mediadan bərabər hüquqlarla istifadə etməyə imkan yaradılıb.
A.Zembilci işğaldan azad olunan Qarabağda ilk dəfə parlament seçkilərinin keçirilməsini xüsusi hal kimi vurğulayıb: "Ümid edirik ki, bu tarixi hadisə regional sülh və sabitliyə töhfə verəcək".