Sloveniyanın XİN başçısı Ceyhun Bayramovu Lyublyanaya dəvət edib

Sloveniyanın xarici işlər naziri Tanya Fayon Azərbaycanın xarici işlər naziri Ceyhun Bayramovu Sloveniyaya səfərə dəvət edib.

"Report"un məlumatına görə, Fayon bu dəvəti bu gün Bakıda Ceyhun Bayramovla birgə mətbuat konfransında səsləndirib.

Onun sözlərinə görə, Bakıya səfər "çox dəyərli təcrübədir" və bu, təkcə ikitərəfli gündəliyin deyil, həm də qlobal vəziyyətin dərin təhlilini əldə etməyə imkan verəcək.

"Azərbaycan xarici işlər naziri Ceyhun Bayramovu bu il Sloveniyaya səfər etməyə və sentyabrın 1-2-də 20-ci Bled Strateji Forumunda iştiraka dəvət etmək istərdim. Hesab edirəm ki, sizin cavab səfəriniz əməkdaşlıq üzrə yaxşı dialoqu davam etdirməyimizə imkan verəcək", - T.Fayon bildirib.