Səfir: "Türkiyə bütün hallarda Azərbaycanın yanındadır"

Səfir: "Türkiyə bütün hallarda Azərbaycanın yanındadır" 15 iyul günü FETÖ terror təşkilatı və onun başçısı Fətullah Gülən tərəfindən çevriliş cəhdi həyata keçirilirkən xalq dövlət başçısının çağırışına cavab verib küçələrə çıxdı və vətənini xilas etdi.
Xarici siyasət
15 İyul , 2020 13:12
Səfir: Türkiyə bütün hallarda Azərbaycanın yanındadır
Ərkan Özoral

"İyulun 15-də FETÖ terror təşkilatı və onun başçısı Fətullah Gülən tərəfindən çevriliş cəhdi həyata keçirilərkən xalq dövlət başçısının çağırışına cavab verib küçələrə çıxdı və vətənini xilas etdi".

“Report” xəbər verir ki, bunu 15 iyul hadisələrinin 4-cü ildönümünə həsr olunmuş videokonfransda Türkiyənin Azərbaycandakı səfiri Ərkan Özoral bildirib.

Dövlət çevrilişi cəhdinin 251 vətəndaşın həyatı bahasına gəldiyini qeyd edən səfir terrorçu təşkilata qarşı mübarizədə Azərbaycanın da daim yanlarında olduğunu deyib:

“Azərbaycan Prezidenti İlham Əliyev hamıdan əvvəl dövlət başçımız Rəcəb Tayyib Ərdoğanla əlaqə saxlayaraq dəstəyini ifadə etmişdi. Biz bütün təhlükələr və problemlərə qarşı həmişə Azərbaycanla bir yerdə olmuşuq və bütün hallarda Azərbaycanın yanında olduğumuzu bir daha bildiririk”.

Səfirin daxili siyasət məsələlərinə dair müşaviri Mehmet Tomuk da FETÖ təşkilatının müxtəlif dərsxanalar vasitəsilə həm Türkiyədə, həm də xarici ölkələrdə nüfuzunu genişləndirməyə çalışdığını bildirib: “Onlar öz üzvlərini hazırlayaraq bütün dövlət qurumlarına soxulmağa çağırıb və beləcə hakimiyyəti ələ keçiriblər. Bu təşkilat əsl niyyətlərini daim gizli saxlayıb”.