Səfir: Türkiyə-Azərbaycan əməkdaşlığı üçün davamlı şəkildə çalışırıq

Türkiyə ilə Azərbaycan arasındakı əməkdaşlıq tək siyasi və iqtisadi sahəni təşkil etmir.

“Report” xəbər verir ki, bu fikirləri Türkiyənin Azərbaycandakı səfiri Birol Akgün “Bilim Maarif” atelyesinin açılışında jurnalistlərə açıqlamasında deyib.

Səfirin sözlərinə görə, iki ölkə arasındakı bağlar hərtərəflidir:

“Biz də əməkdaşlığın inkişafı və iş birliklərinin artırılması üçün davamlı şəkildə çalışırıq. Bu mənada, digər qurumlara hər zaman dəstək verməyə hazır olduğumuzu da ifadə etmək istəyirəm”.

Birol Akgün Azərbaycan və Türkiyə arasındakı bu cür əməkdaşlıq və layihələrin uşaqların gələcəyi üçün önəmli olduğunu da diqqətə çatdırıb.