Səfir: “İran və Azərbaycan dost, qardaş, müsəlman ölkələrdir”

“İran və Azərbaycan dost, qardaş və müsəlman ölkələrdir”.

“Report”un xəbərinə görə, bunu İranın Azərbaycandakı fövqəladə və səlahiyyətli səfiri Seyid Abbas Musəvi İslam Respublikasının Milli Televiziyasına müsahibəsində deyib.

“İran və Azərbaycan hər zaman qarşılıqlı əlaqədən məmnun olublar və həmişə bir-birlərinə hörmət ediblər”, - səfir qeyd edib.

Diplomat həmçinin bildirib ki, iki ölkə rəsmilərinin, parlament nümayəndə heyətlərinin səfərləri və digər səylər münasibətlərin yaxşılaşdırılması üçün nəzərdə tutulub.