​Sankt-Peterburq qubernatoru Azərbaycana gəlib

Bakı. 30 sentyabr. REPORT.AZ/ Sankt-Peterburq qubernatoru Georgi Poltavçenkonun rəhbərlik etdiyi rəsmi nümayəndə heyəti Azərbaycana gəlib.

"Report" xəbər verir ki, üç gün davam edəcək səfər zamanı Poltavçenko Azərbaycanın rəsmi şəxsləri ilə bir sıra görüşlər keçirəcək.

Sankt-Peterburq qubernatorunun Azərbaycan Prezidenti İlham Əliyev və baş nazirin birinci müavini Yaqub Eyyubovla da görüşləri gözlənilir.

Poltavçenko həmçinin Azərbaycanın aqrosənaye müəssisələrinə baş çəkəcək və Bakıda yaşayan Leninqrad blokadasının iştirakçıları ilə də görüşəcək.